 |  |
DJALOGU MAL-ĠURNALISTI
Fl-okkażjoni tat-tielet anniversarju mill-assassinju tal-kollega ġurnalista Daphne Caruana Galizia, l-Istitut tal-Ġurnalisti Maltin u Repubblika għandhom il-pjaċir jistiednu lill-ġurnalisti kollha u lil dawk kollha li għandhom għal qalbhom id-demokrazija u l-libertà tal-kelma għal:
DJALOGU
dwar
Il-Qagħda tal-Ġurnaliżmu f’Malta Llum.
Fid-diskussjoni se nesploraw il-kundizzjonijiet tax-xogħol tal-ġurnalisti, is-sigurtà personali u tal-familji tagħhom, il-libertà tal-espressjoni u t-trasparenza tal-awtoritajiet pubbliċi.
Se jsir ukoll kollegament ma’ Ronchi dei Legionari, fl-Italja, fejn se tkun għaddejja laqgħa parallella msejħa mill-Federazione Nazionale Stampa Italiana (FNSI). F’Ronchi, se jkun inawgurat xogħol tal-arti li jfakkar lil Daphne Caruana Galizia u ġurnalisti oħra maqtula fuq xogħolhom.
Kelliema:
- Nello Scavo, ġurnalist investigattiv ta’ Avvenire
- Sylvana Debono, Kap Editur ta’ Newsbook u President, Istitut tal-Ġurnalisti Maltin
- Beppe Giulietti, President, Federazione Nazionale Stampa Italiana
- Robert Aquilina, President, Repubblika
Il-ġurnalisti li se jattendu huma mistiedna jintervjenu fid-diskussjoni.
- Post: Pjazza l-Assedju l-Kbir, Valletta, biswit is-sit ta’ protesta għall-ġustizzja għal Daphne Caruana Galizia.
- Data: 16 ta’ Ottubru, 2020
- Ħin: 11am (l-attività mistennijja ddum madwar siegħa).
L-attività se tixxandar live fuq Facebook iżda preżenza fiżika hi meħtieġa għal interventi waqt id-diskussjoni. Minħabba r-restrizzjonijiet għall-prevenzjoni tal-Covid-19, dawk li jixtiequ jipparteċipaw huma mitluba jesprimu l-interess tagħhom b’email lil repubblika.mt@nullgmail.com sa nhar it-Tlieta, 13 ta’ Ottubru 2020 biex isiru t-tħejjijiet meħtieġa.