Għadna kemm assistejna għal tentattiv patetiku tal-Kummissarju tal-Pulizija fuq il-program ta’ Andrew Azzopardi fuq 103 Malta’s Heart biex ifarfar ir-responsabbilità dwar l-iskandlu tal-Pilatus Bank fuq l-Avukat Ġenerali.
Angelo Gafa’, Alexandra Mamo u Victoria Buttigieg spiċċaw iwaħħlu f’xulxin għal din l-oxxenita’.
Bi kliemu Angelo Gafa’ ikkonferma dak li żvela l-President ta’ Repubblika Robert Aquilina waqt id-dimostrazzjoni ta’ ġimgħatejn ilu, jiġifieri li l-Avukat Ġenerali ffirmat dokument li qed jinżamm moħbi u permezz tiegħu ordnat li tnejn mill-briganti tal-Bank Pilatus ma jitressqux il-Qorti.
Issa tard wisq biex Angelo Gafa’ jwaħħal f’ħaddieħor. Hu kompliċi f’attentat biex fuq dan il-każ kriminali ma titwettaqx ġustizzja. Nafu sew x’inhi r-responsabbilita’ tiegħu, bħal ma nafu x’inhuma r-responsabbilitajiet ta’ Alexandra Mamo u ta’ Victoria Buttigieg.
Aħna dejjem għidna l-verita’.
Ser nibqgħu ninsistu fil-Qrati u fit-toroq li ssir ġustizzja.
Se naslu.
